Жаңа оқу жылында 445 мың студенттің стипендиясы 50 пайызға дейін өседі. Бұл туралы үкімет мәлімдеді, деп хабарлайды “Адырна” ұлттық порталы.
“Мемлекеттік бюджеттің жартысынан көбі әлеуметтік салаға (52,8%) бағытталған. Жыл сайын ең төменгі және базалық зейнетақы, сондай-ақ жалақы мөлшері өсіп келеді. Колледж студенттеріне берілетін стипендия мөлшері 50%-ға, бакалавриатқа 20%-ға, магистратура мен докторантураға 15%-ға артты. 1 қыркүйектен бастап 445 мың студенттің стипендиясы 15-50% аралығында өседі”, - делінген ақпаратта.
Сондай-ақ 1 млн 700 мың мектеп оқушысын, балабақшадағы 100 мыңға жуық баланы тегін тамақтандыруды мемлекет толықтай өз мойнына алды.
