Алматыда бейбіт жиындар мен шерулер өткізу орны өзгертілді, деп хабарлайды "Адырна" ұлттық порталы.
«Алматы қаласы мәслихатының ХХІІ сессиясының шешімімен бейбіт жиналыстар мен шерулер өтетін орындар өзгертілді», - деді мәслихат сәрсенбі күні өткен сессияда.
Мәслихат сессиясында сөз алған қалалық қоғамдық даму басқармасының басшысы Айдар Есенбековтің айтуынша, бүгінде бейбіт жиналыстар өткізуге арналған мамандандырылған орындар - М. Ганди атындағы саябақ, Ш.Уәлиханов атындағы және "Сары-Арқа" кинотеатрының артындағы скверлер. Шерулер үшін Шевченко көшесі бойымен Ш.Уәлиханов атындағы скверден М.Ганди атындағы саябаққа дейін жүруге болады.
Жоғарыда айтылғандарды ескере отырып, мамандандырылған орынды Ш.Уәлиханов атындағы скверден (толымдығы 1000 адам) Абылай хан даңғылындағы А. Иманов атындағы скверге (толымдығы 500 адам) ауыстыру туралы ұсыныс түсті, мұнда көшелерді жабудың қажеті болмайды және жақын жерде тұрғын үйлер жоқ.
Қаланың мамандандырылған орындарын бұрын белгіленген қамтуды сақтау мақсатында "Сары-Арқа" кинотеатрының артындағы сквердің толымдылығы 500-ден 1000 адамға дейін өзгертілді.
Сонымен қатар санкцияланған шерулер немесе демонстрациялар өткізу бағыты өзгертілді. Жаңа бағыт Жамбыл көшесімен Гагарин даңғылынан Мұқанов көшесіне дейін өтеді. Шевченко көшесіндегі бұрынғы бағыт көлік ағындарына кедергі келтірді, өйткені ол Сейфуллин, Назарбаев, Абылай хан даңғылдары, Желтоқсан, Наурызбай батыр көшелері сияқты қаланың магистральдық артерияларын кесіп өтті.
Депутаттар өзгерістерді көпшілік дауыспен қолдады.
