Алматы әкімі Ерболат Досаев Мемлекет басшысының тапсырмасымен Әбдірайым Мұса Сайранбайұлын төтенше жағдайда көрсеткен батылдығы мен жанқиярлығы үшін «Ерлігі үшін» медалімен марапаттады, деп хабарлайды "Адырна" ұлттық порталы.
Сондай-ақ, батыр азаматқа ақшалай сыйақы табыс етілді.
52 жастағы Мұса Әбдірайым Алматы халықаралық әуежайында жолаушы ретінде тексеру аймағына кірген қылмыскердің қолындағы пышақты тартып алып, әуежай қызметкерінің өмірін құтқарып қалған.
«Қазақстан Президенті Қасым-Жомарт Кемелұлына зор көңіл бөліп, құрмет көрсеткені үшін алғысымды білдіремін. Біздің елде әрқашан бейбітшілік, келісім мен өркендеу болсын!» – деді марапат иесі.
