Атырауда үш бала Жайық өзеніне батып кетті, деп хабарлайды “Адырна” ұлттық порталы.
Атырау облысы ТЖД баспасөз қызметінің мәлімеінше, қайғылы оқиға бүгін болған.
"2024 жылы 26 тамызда сағат 17:25-те Атырау қаласы маңындағы Береке ауылында үш баланың Жайық өзеніне батып кеткені туралы шақырту келіп түсті. Оқиға орнына шұғыл жеткен құтқарушылар 2008 жылы туылған ұл балалардың белгісіз жағдайда жабдықталмаған орында суға түсіп, батып кеткендігін анықтады. Атырау облысы ТЖД сүңгуірлері сағат 18: 25-те екі жасөспірімнің мүрдесін судан шығарды", - делінген ТЖМ хабарламасында.
Үшінші баланың денесі әлі іздестіріліп жатыр.
