Ұлттық қауіпсіздік комитеті ресейлік серіктестермен өзара әрекеттесе отырып, «Солтүстік бағыт» деп аталатын ауған есірткі контрабандасы арнасын жойды. Бұл туралы бүгін, 23 тамызда ҰҚК баспасөз қызметі жазды,деп хабарлайды «Адырна» тілшісі.
«Тамыздағы операция қорытындысы бойынша Ресейдің шекаралас аудандарының бірінде есірткі саудасын жүргізу кезінде халықаралық есірткі тобының екі қатысушысы ұсталды. Тінту барысында олардан «қара» нарықтағы құны шамамен 500 мың АҚШ долларын құрауы мүмкін 50 кг-ға жуық гашиш алынды»,—делінген хабарламада.
Қазіргі таңда осы факті бойынша тергеу жүргізіліп жатыр.
