Елордада бір жасар бүлдіршін терезеден құлап кетті, деп хабарлайды “Адырна” ұлттық порталы.
Оқыс оқиға 5 тамызда болған. Бала ауруханаға жеткізілді.
«Бір жасар бала екінші қабаттағы терезеден құлады. Оқыс оқиға бүгін Астана қаласының Алматы ауданында болды. Түрлі жарақаттар алған сәби (ұл) ауруханаға жатқызылды», - деп хабарлайды Төтенше жағдайлар министрлігінен.
Осыған ұқсас жағдай Таразда да болған.
1 жасар бала үшінші қабаттан құлап кеткен. Бүлдіршін ауруханаға жеткізілді.
Осы оқиғаға байланысты ҚР Төтенше жағдайлар министрлігі ата-аналарға ескерту жасады.
«Құрметті ата-аналар ТЖМ ескертеді:
Кішкентай балаларды қараусыз қалдырмаңыз;
Москит торлары құлаудан қорғамайды;
Балаларға ересектерсіз балконға шығуға рұқсат бермеңіз», - делінген хабарламада.
Бірнеше күн бұрын Сәтпаеа қаласында да бала терезеден құлап, ауыр жарақат алғанын жазған едік.
