Алматы-Қонаев тас жолында екі көліктің соқтығысуы салдарынан екі жаяу жүргінші қаза тапты, - деп хабарлайды “Адырна” ұлттық порталы.
Алматы облысы полиция департаментінің мәліметінше, BMW көлігін тізгіндеген 20 жастағы бойжеткен жаяу жүргіншіні қағып, Мерседес көлігімен соқтығысқан. Мерседес көлігі сырғып барып, тағы бір жаяу жүргіншіні қағып кеткен.
«Жол-көлік оқиғасы салдарынан екі жаяу жүргінші де зардап шекті, оқиға бойынша қылмыстық іс қозғалып, медициналық көмек көрсетілді. Оқиғаның барлық мән-жайын анықтау үшін тергеу жүріп жатыр», - деп хабарлады Алматы облыстық полиция департаментінің баспасөз қызметі.
