«Адырна» ұлттық порталының кезекті сұқбаты Balaland халықаралық балалар лагерінің жетекшісі Аида Абзалқызымен болды.
Кәсіпкер осы орталықтың жұмысы жайындағы ойларымен бөлісіп, құрылғанына 10 жыл болған лагерьдің қалыптасуы жайында айтты.
Бір жазда шамамен 900 баланың демалысын қызықты өткізу үшін қандай шаралар атқарылады, қазіргі Z ұрпағы аталатын толқынның ерекшеліктері қандай, олардың тәрбиесі қандай болуы керек, демалысын қалай өткізгені дұрыс, балалар орталығының тәртіп, шарттары қандай – Аида Абзалқызы айтып берді.
70 пайыз қазақ тілінде жұмыс істеп жатырмыз деген лагерь ауасы таза, биік жерде орналасқан. Онда балалардың әуе шарына ұшудан бастап, бассейнге түсуіне дейін барлық жағдай жасалған.
