"Қытай үшін ақпарат жинау". Канаданың барлау қызметі азаматтарға TikTok-қа қатысты ескерту жасады

759
Adyrna.kz Telegram
Фото: bangkokbook.ru
Фото: bangkokbook.ru

Канада үкіметі Tiktok желісіне қатысты күдік білдірді, деп хабарлайды "Адырна" ұлттық порталы Ferra.ru-ға сілтеп.

Канаданың барлау қызметінің басшысы Дэвид Виньно канадалықтарға құпиялылық пен деректердің қауіпсіздігіне қатысты алаңдаушылық білдіріп, TikTok қолданбасын пайдалану туралы қатаң ескерту жасады. Ол Қытайдың стратегиясы бүкіл әлем бойынша жеке ақпаратты алуды, үлкен деректердің аналитикасын қолдануды және жасанды интеллектті дамытуды қамтиды деп санайды.

TikTok өкілі Дэниел Морган Канада үкіметінің мәлімдемесін жоққа шығарған.

«ТикТок ешқашан Канаданың пайдаланушы деректерін Қытай үкіметімен бөліскен емес, егер сұралса, біз мұны істемейміз», - дейді ол.

Ал қауіпсіздік барлау бөлімінің бастығы платформа Қытай Үкіметі үшін ақпарат жинау арнасы болып табылатынына сенімді. Оның сөзінше, Қытайда деректерді өңдеу және талдау орталықтары бар екенін және жасанды интеллект дамып келе жатқанын ескере отырып, ол түпкі мақсат әрқашан Қытай Коммунистік партиясының мүдделерін қорғау екенін алға тартты.

Көптеген елдерде, әсіресе АҚШ-та TikTok «Ұлттық қауіпсіздік» мәселесі ретінде қарастырылады.

Пікірлер