Прокурор бұрынғы полиция бастығын 12 жылға соттауды сұрады

790
Adyrna.kz Telegram
Фото: arasha.kz
Фото: arasha.kz

Прокурор бұрынғы бас полицейді 12 жылға соттауды сұрады, деп хабарлайды "Адырна" ұлттық порталы Halyq Uni-ні сілтеп.

Талдықорған қалалық сотында қыз зорлады деген күдікпен қамауға алынған экс-полицей Марат Күштібаевқа қатысты қылмыстық іс қаралып жатыр.

2024 жылдың 30 сәуірінде мемлекеттік айыптаушы Талдықорған қалалық полиция басқармасының бұрынғы бастығын 12 жылға бас бостандығынан айыруды сұрады.

Бұл ақпаратты басылымға Жетісу облысы сотының баспасөз қызметі растап отыр. Істі судья Әлібек Әбдіхаевтың қарап жатқаны белгілі. Қылмыстық іс жабық форматта қаралып жатыр.

Пікірлер