Ұлытау жұрты жылқылардың өлекселерін жинап жатыр, деп хабарлайды "Адырна" тілшісі.
Бұл туралы Ұлытау облысы әкімдігінің баспасөз қызметі хабарлаған.
Ұлытау облысы Жаңаарқа ауданында мал өлекселерін тазалау жұмыстары жүргізілуде. Бүгінде 1367 жылқының өлексесі жиналған.
"Бүгінгі таңда 1367 өлексе жиналды. Далада табылған жылқылардың иелерін және өлген мал басының санын анықтау жұмыстары әлі де жалғасады. Ветеринариялық-санитариялық қорытындыға сәйкес, жылқы малының індеттен емес, аштық пен қатты аяздың салдарынан өлгені нақтыланды", – делінген әкімдік хабарламасында.
