Үкімет депутаттың ұсынысымен келіспеді

725
Adyrna.kz Telegram

Үкімет Бірыңғай мемлекеттік алимент қорын құру бастамасын қолдамады, деп хабарлайды «Адырна» тілшісі.

Премьер-министр Олжас Бектеновтің айтуынша, қор құру борышкерлер санының көбеюіне, ажырасудың өсуіне, ата-аналық міндеттемелерден жалтаруға әкелуі мүмкін.

«Қордың алдында борышты өтей алу мәселесі даулы болып қала береді. Оның үстіне ол қорды құру үшін шетелдік тәжірибе көрсетіп отырғандай мемлекет бюджетінен қосымша қаражат бөлуді талап етеді. Қорды арнайы құрылым ретінде құрып, штат бөліп, қаражат бөлу керек болады. Жоғарыда айтылғандарды ескере отырып, атқарушылық іс жүргізу шеңберінде алимент өндірудің қолданыстағы тетіктерін күшейту қажет деп санаймыз», – деді Үкімет басшысы.

Еске салайық, бұған дейін депутат Магеррам Магеррамов Қазақстанда мемлекеттік алимент қорын құруды ұсынған еді.

Пікірлер