Мәдениет және ақпарат вице-министрі Данияр Қадіров қызметінен босатылды. Бұл туралы үкіметтің баспасөз қызметі мәлімдеді, деп хабарлайды “Адырна” ұлттық порталы.
«Қазақстан Республикасы Үкіметінің қаулысымен Данияр Рамазанұлы Қадіров басқа жұмысқа ауысуына байланысты Мәдениет және ақпарат вице-министрі қызметінен босатылды» делінген қаулыда.
Қадіров бұл қызметке 2022 жылдың наурыз айында тағайындалған болатын.
Мәдениет және ақпарат министрлігі сайтында айтылғандай, бұл лауазымда Данияр Қадіров азаматтық қоғам мәселелеріне жетекшілік еткен.
