Маңғыстауда қырылған аққу саны 1018-ге жетті. Бұл туралы Маңғыстау әкімдігінің баспасөзі мәлімдеді, деп хабарлайды “Адырна” ұлттық порталы.
“Маңғыстауда аққулардың қырылуына құс тұмауы себеп болған. Орнитологтар мен жергілікті мамандардан құралған жұмыс тобы осындай қорытындыға келді. Зертханалық зерттеулердің нәтижелері мен аққулардан басқа құстардың зардап шекпеуі бұған дәлел”, - дейді мамандар.
Бүгінде қырылған аққу саны - 1018-ге жетті. Оның 40 шақтысы Қарақия ауданындағы теңіз жағалауынан, қалғандары «Қаракөл» көлінен табылған. Жалпы аймақта соңғы санаққа сәйкес, 50 мың аққу қыстап жатыр. Соның 2 пайызы өлген. Өңірде үй құстарының арасында құс тұмауы тіркелген жоқ. Десе де, қосалқы шаруашылықтардағы үй құстарына мониторинг жалғасып жатыр.
