Қазақстан Президенті Қасым-Жомарт Тоқаев Қазақстан халқы және өз атынан Куба президенті Мигель Марио Диас-Канель Бермудесті және Куба халқын азаттық күнімен құттықтады. Бұл туралы Ақорда жазды, деп хабарлайды “Адырна” ұлттық порталы.
Айта кетсек, 1 қаңтар – Куба Республикасының азат болу күні. 1959 жылдан бері кубалықтар осы күнді атап өтеді.
"Егемендік пен теңдікті бәрінен жоғары бағалайтын еліңіз бүгінде өзінің саяси және экономикалық тұрақтылығы мен халықаралық беделін нығайтуда айтарлықтай жетістіктерге жетуде. Отандастарыңызға әрі қарай да өз мақсаттарына қол жеткізуге тілектеспін. Қазақстанның Кариб бассейніндегі ең жақын және сенімді серіктесі Кубамен екіжақты қарым-қатынасымыз алдағы уақытта да халқымыздың игілігіне тереңдей түсетініне сенімдімін", – делінген жеделхатта.
