Әзербайжан Орталық сайлау комиссиясы президент болуға үміткер ретінде тағы 8 кандидатты бекітті, деп хабарлайды "Адырна" тілшісі media.аz порталына сілтеп.
Әзербайжанда президент болуға үміткерлер қатары көбеюде. 26 желтоқсан күні Сарван Керимовтің, Матлаб Муталлимлидің, Абуталыб Самедовтің, Фикрет Юсифовтің, Юсиф Багирзаденің, Юнус Огуздің және Гуламгусейн Алибейлидің кандидатуралары бекітілді.
Бүгінде кандидаттар туралы ақпараттар жарияланды. Сарван Керимов ғылыми жұмыспен айналысқан. Матлаб Муталлимли, Абуталыб Самедов және Гуламгусейн Алибейли – парламенттің экс-депутаттары болған. Юсиф Багирзаде - экс-депутат және ОСК-ның экс-мүшесі. Фикрет Юсифов бұған дейін Қаржы министрлігін басқарса, Юнус Огуз –«Олайлар» газетінің бас редакторы.
Осылайша, президенттік сайлауға бекітілген үміткерлер саны 15 адамға жетті.
