قازاقستاندىق ءانشى-اكتەر ۇشاق بورتىندا ستيۋاردەسسانى ۇرىپ جىبەرگەن، دەپ حابارلايدى "ادىرنا" ۇلتتىق پورتالى FlyArystan اۋە كومپانياسىنىڭ ءباسپاسوز قىزمەتىنە سىلتەپ.
«18 جەلتوقساندا FlyArystan جولاۋشىسى، مەديا تۇلعا، ءانشى-اكتەر اۋە كومپانياسىنىڭ ستيۋاردەسساسىنا فيزيكالىق كۇش قولدانىپ اگرەسسيا كورسەتتى. جولاۋشى ءوزىنىڭ سىرتقى كيىمىنىڭ باگاج سورەلەرىندە مىجىلعانىنا نارازىلىعىن ءبىلدىردى، سودان كەيىن ستيۋاردەسسا جولاۋشىنىڭ سىرتقى كيىمىن قول جۇگىنىڭ ۇستىنە قويۋعا كومەكتەسۋ ءۇشىن ۇستىڭگى سورەدەن العان، بىراق جولاۋشى ونىڭ كيىمىن تارتىپ العان. پيدجاكپەن قاعىپ جىبەرىپ، ستيۋاردەسسانىڭ ماڭدايىنان ۇرعان»، - دەلىنگەن حابارلامادا.
رەيس ءبىر ساعاتقا كەشىكتىرىلگەن.
ءانشى-اكتەر ، اۋە كومپانياسىنىڭ حابارلاۋىنشا، پوليتسياعا تاپسىرىلىپ، وعان 440-باپ (الكوگولدى ىشىمدىك ءىشۋ نەمەسە ماس كۇيدە قوعامدىق ورىندارعا شىعۋ) بويىنشا ايىپ تاعىلدى، دەگەنمەن حابارلامادا قۇقىق بۇزۋشىنىڭ ماس بولعانى ايتىلماعان.
«جولاۋشىنى جاۋاپكەرشىلىككە تارتۋ ءۇشىن ستيۋاردەسسا ودان ءارى زاڭدى تەرگەۋ ءۇشىن سوت-مەديتسينالىق ساراپتامادان ءوتتى»، - دەلىنگەن اقپاراتتا.
