استانانىڭ “جاستار” تەاترىندا تاربيەلىك ءمانى زور، وسكەلەڭ ۇرپاققا بەرەرى مول شارا ءوتتى، دەپ حابارلايدى "ادىرنا" ۇلتتىق پورتالى.
سارىارقا اۋدانى اكىمدىگى جانە «قاراشاڭىراق» قوعامدىق بىرلەستىگىنىڭ ۇيىمداستىرۋىمەن سارىارقا اۋدانى اۋماعىندا ورنالاسقان جوعارعى وقۋ ورىندارى مەن كوللەدجدەردە وقيتىن، بۇرىمى ۇزىن بويجەتكەندەر اراسىندا “شاشباۋلىم” اتتى ۇلتتىق ەتنوگرافيالىق سايىسى ءوتتى.
ۇلىق مەرەكە قارساڭىندا وتكەن سايىسقا سارىارقا اۋدانىندا ورنالاسقان كوللەدجدەر قاتىستى.
سايىستىڭ باس جۇلدەسىنە بەلگىلى زەرگەر بەرىك ءالىبايدىڭ شاكىرتى، ۇلى، زەرگەر زيات بەرىكۇلىنىڭ قولىنان شىققان ۇلتتىق تۋىندى، باعالى بۇيىم -كۇمىس شاشباۋ بەرىلدى. كوپ قىزدىڭ اراسىنان اقىلى كوركىنە ساي بۇرىمدى اتانعان ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى كەاق كوللەدجىنىڭ ستۋدەنتى تىلەۋجان ايدانا بولدى.
ال 1 ورىندى “استانا پروفي” قالالىق شارۋاشىلىق كوللدجى” ستۋدەنتى رۇستەمقىزى زەرە يەلەندى. جەڭىمپازعا زيات زەرگەردىڭ تۋىندىسى -قوڭىراۋ سىرعا مەن قۇس تۇمسىق جۇزىك سىيلاندى.
2 ورىن ەكى قاتىسۋشىعا بەرىلدى. “استانا قالاسى اكىمدىگىنىڭ “سەرۆيس جانە تۋريزم كوللەدجى” شجق مكفك ستۋدەنتى قۇرماشەۆا انيسا مەن استانا قالاسى “تەحنيكالىق كوللەدجى” شجق مكك ستۋدەنتى بالاباي اقبوتا الدى.
3 ورىندى ءۇش بويجەتكەن يەلەندى. “ۋربان” كوللەدجىنىڭ ستۋدەنتى رۋسلانقىزى راۋان، “استانا پوليتەح” جوعارى كوللەدجىنىڭ ستۋدەنتى نابيعات اياگوز، استانا قالاسى اكىمدىگىنىڭ “جوعارى كولىك جانە كوممۋنيكاتسيا كوللەدجى” شجق مكك ستۋدەنتى راحيموۆا ورىنباسار جايعاستى.
سايىستا قالىڭ “كورەرمەننىڭ كوزايىمى” اتالىمىن ز.مۇرزاعۇلوۆا اتىنداعى “دانالىق” جوعارى مەديتسينالىق كوللەدجىنىڭ ستۋدەنتى ءپىرنيازوۆا قاراقاتقا بەرىلدى.
بارشا قاتىسۋشى قىزدارعا “قارا شاڭىراق” قب برەندىنە اينالعان “قازاقشا سويلەيىك” ەكودوربالارىنا سالىپ، باتىر بابامىز باۋىرجان مومىشۇلىنىڭ كەلىنى، ەتنوگراف جازۋشى زەينەپ احمەتوۆانىڭ “كۇرەتامىر” كىتابىن سىيعا تارتتىق. سونىمەن قاتار ديپلومدار، گۇل شوقتارى تارتۋ ەتىلدى.
