«Росатом» корпорациясының тұрақты даму департаментінің директоры Полина Лионның хабарлауынша, «Росатом» Өзбекстанмен атом электр станциясын салу жобасында «құрғақ салқындату мұнарасы» (суды салқындатуға арналған заманауи құрылғы) технологиясын қолдану мүмкіндігін талқылап жатыр, деп хабарлайды «Адырна» ұлттық порталы.
«Өзбекстанда біз қазір әлеуетті тұтынушыларымызбен келіссөздер жүргізіп жатырмыз. Өзбекстанда, шын мәнінде, судың жағдайы өте нашар, өйткені 2050 жылға қарай елде су болмайды деген болжамдар бар. Біз олармен құрғақ салқындатқыш мұнаралары бар жобаны талқылаймыз. Бұл өте күрделі технологиялық шешім. Шын мәнінде, атом энергиясына суды барынша аз тұтыну мәселесі де күн тәртібінде өте маңызды», - деді ол БҰҰ-ның Климаттың өзгеруі жөніндегі конференциясының (COP28) Ресей Павильонының іс-шарасы барысында.
«Құрғақ салқындату мұнарасы» технологиясы реакторды салқындату процесінде судың булануы болмайды деп есептейді.
Хабарланғандай, «Росатом» Өзбекстанда VVER-1200 реакторлық қондырғылары бар екі энергоблоктан тұратын кешен салуды жоспарлап отыр. Қараша айында мемлекеттік корпорацияның бас директоры Алексей Лихачев Өзбекстанда атом электр стансасын салу жөніндегі келісімшарт бойынша жұмыс соңғы сатысында екенін айтқан. Ол «Росатом» айтвылған мәселе бойынша бірқатар зерттеу жұмыстарын жүргізгенін және аз қуат бойынша қосымша ұсыныстар бергенін қоса кетті.
«Адырна» ұлттық порталы
