700 жылқы: Қорғалжын қорығының басшысы жұмыстан шығарылды

1145
Adyrna.kz Telegram

Ақмола облысы прокуратурасының актісі бойынша, заң бұзушылыққа жол берген Қорғалжын мемлекеттік табиғи резерватының қызметкерлері жұмыстан босатылды, деп хабарлайды «Адырна» ұлттық порталы Облыстық прокуратураға сілтеме жасап.

Ведомствоның ресми сайтының мәліметінше, инспекторлар мен орман шаруашылығы және жануарлар дүниесі комитеті Қорғалжын мемлекеттік табиғи қорығының басшылығы ерекше қорғалатын аумақты қорғау режимін бұзған.

«Ерекше қорғалатын аумақта қорық режимін қорғауға уәкілеттік берілген қорық инспекторларының тікелей басшылығының келісімімен заңсыз шөп шабу және мал жаю ұйымдастырылып, нәтижесінде, қомақты шығын келтірілді. Қорық аумағында инспекторлардың жақын туыстарына тиесілі 700-ден астам жылқы ұсталды», - деді қадағалау органы.

Қорық режимін бұзғаны және қызметтің мүдделеріне қайшы өкілеттіктерді пайдаланғаны үшін үш инспектор, оның ішінде табиғи кешендерді қорғау бөлімінің басшысы жұмыстан шығарылды.

«Қорық басшылығына қатысты қызметтік тексеру жүргізілуде», - деп толықтырды Ақмола облысының прокуратурасы.

Қорғалжын мемлекеттік табиғи қорығының ресми сайтының мәліметінше, оның тарихы Солтүстік және Орталық Қазақстанның тың және тыңайған жерлерін жаппай игеру кезеңінде, дала аймағының жекелеген учаскелерін сақтап қалудың шұғыл қажеттілігі туындаған кезде басталды. Ол 1968 жылы құрылған.

Қорық оңтүстік-батыс Теңіз-Қорғалжын ойпатында орналасқан. Жалпы аумағы 543 171 га. Қорғалжын мемлекеттік табиғи қорығы ЮНЕСКО-ның Бүкіләлемдік мұралар тізіміне енгізілген. Оның аумағында әлемдегі Солтүстік қызғылт қоқиғаз ұя салатын колония орналасқан.

«Адырна» ұлттық порталы

Пікірлер