Израиль барлық кепілге алынғандарды босату үшін ХАМАС жетекшілеріне, соның ішінде содырлар қанатына Газа секторынан еркін кетуге рұқсат беру мүмкіндігін талқылап жатыр. Бұл туралы израильдік Yedioth Ahronoth газеті жариялады, деп хабарлайды “Адырна” ұлттық порталы.
Мәлімет бойынша, бұл соғысты қысқа мерзімде аяқтауға мүмкіндік береді және сонымен бірге топтың анклавтағы инфрақұрылымын жою туралы айтылған мақсаттарға қол жеткізіледі.
Басылым қазіргі әскери науқан аясында Газа секторындағы Хамастың барлық қызметкерлерін және инфрақұрылымын физикалық түрде жою бірнеше жылдарға созылатынын, ең бастысы үлкен шығынға әкелетінін атап өтті.
