28 қазан күн Түркия президенті Ердоған Ыстамбұл Ататүрік әуежайында Палестинаны қолдаған жаппай шеруге қатысты. Мінберден сөз алған ол Түркияның Газа секторындағы әрекеттеріне байланысты Израильді «әскери қылмыскер» деп ресми түрде жариялауға ниетті екенін айтты, деп хабарлайды “Адырна” ұлттық порталы.
Израиль 22 күннен бері ашық түрде әскери қылмыс жасап жатыр. Біз Израильді бүкіл әлем алдында әскери қылмыскер деп жариялаймыз, - деді Ердоған.
Түркия президенті Режеп Тайып Ердоғанның Палестина ұлттық әкімшілігін қолдау митингісінде жасаған мәлімдемелерінен кейін Израиль Сыртқы істер министрі Эли Коэн израильдік дипломаттарға Түркиядан шығуға бұйрық берді.
Түркия тарапынан жасалған қатал мәлімдемелер аясында мен Израиль-Түркия қарым-қатынастарын қайта қарау үшін дипломатиялық өкілдерді елге қайтаруды бұйырдым, - деп жазды Коэн X әлеуметтік желісінде (бұрынғы Twitter).
