АҚШ-тағы Хэллоуин мерекесі кезінде атыс кезінде 18 адам зардап шекті, деп хабарлайды "Адырна" тілшісі foxnews-ке сілтеп.
Флоридадағы барда атыс кезінде екі адам қаза тауып, он сегіз адам жарақат алған.
Қайғылы оқиға Флоридада болды. Тұрғындар осы сәтте Хэллоуин мерекесін тойлап жатқан болатын.
Мереке қарсаңында жастар арасында қақтығыс болып, соңы төбелеске ұласады. Кейін кенеттен атыс басталған.
"Алдын ала мәліметтер бойынша, кем дегенде екі адам атысты бастаған. Қазіргі уақытта бір адам қамауға алынды", - делінген ақпарат көздерінде.
Зардап шеккендердің жағдайы туралы дерек жоқ.
