«АрселорМиттал Теміртау» компаниясының барлық кеніштері жұмысын тоқтатты, деп хабарлайды «Адырна» ұлттық порталы.
Сегіз шахтадағы жұмыстың тоқтатылуы туралы ақпаратты компанияның баспасөз қызметі растады.
«Барлық шахталардың жұмысы бір күнге тоқтатылды», - делінген хабарламада.
Айталық, Бүгін түнде Костенко шахтасында жарылыс болды. Салдарынан 32 адамның денесі табылып, 14 кеншіні іздеу жұмыстары жүргізілуде.
«Адырна» ұлттық порталы
