Батыс Қазақстан облысында 21 адам бруцеллез жұқтырған. Бұл туралы БҚО санитариялық-эпидемиологиялық бақылау департаментінің басшысы Мұхамғали Арысбаев мәлімдеді, деп хабарлайды “Адырна” ұлттық порталы.
2023 жылдың бірінші жартыжылдығында Батыс Қазақстан облысында 6 әкімшілік аумақта бруцеллездің 21 жағдайы тіркелген. 15 жағдай зертханалық зерттеу кезінде расталды.
Барлық жағдайда инфекцияның малдан жұққаны белгілі болды. Ауру малды төлдету және ауру малды күту кезінде жұққан, - дейді облыстың бас санитариялық дәрігері.
