Мұхтар Әблязовтің ағасы Қуаныш Нұрғазин Қазақстанға неліктен оралғанын және туысы жөніндегі ойын айтты, деп хабарлайды “Адырна” ұлттық порталы Almaty.tv-ға сілтеп.
Айта кетейік, ол 25 шілде күні Алматы әуежайында ұсталды, енді ол екі ай үйқамақта болады.
Мені Мұхтар Әблязов алаяқтық схемалар мен айла-шарғыларға еріксіз араластырды. Ұзақ уақыт бойы Отаннан жырақта жүргенім, БТА банктің бұрынғы төрағасы мен оның сыбайластары жөніндегі жаңалықтар менің денсаулығыма әсер етті, – дейді күдікті.
Қуаныш Нұрғазиннің айтуынша, саяси қуғын-сүргіннің болмауы мен демократиялық реформалар оның Қазақстанға өз еркімен оралуына түрткі болған. Ол саяси баспанадан бас тартқан.
