Ұлы Дала баласы Төреғали Төреәлінің Астанадағы концерті өтпейтін болды, деп хабарлайды “Адырна”.
Әлеуметтік желіде ТТТ-ның бас қалада жоспарланған концерті ұйымдастырушылардың тарапынан концерт өтпейтіндігі жарияланған еді.
Бұл ақпаратты Астанадағы Еркеғали Рахмадиев атындағы Мемлекеттік академиялық филармония өкілдері де растап отыр.
"Филармония оның құрамына кіретін ұжым ғана емес. Сонымен қатар, оның залы жиі жалға беріледі. Бұл концертке де зал жалға берілген, яғни адамдар залды жалға алып, концерт өткізу үшін коммерциялық бөліммен байланысады. Сондықтан ұйымдастырушылардың бастамасымен концерт болмауы мүмкін. Бұл жағдайда да солай болды".
Айта кетейік, концерт 8 шілдеге жоспарланған еді. Төреғалиден бөлек Әбдіжаппар Әлқожаның да өнер көрсетуі тиіс болған.
