Қазақстан президенті жұмыс сапарымен Солтүстік Қазақстан облысына келді, - деп хабарлайды "Адырна" порталы.
«Мемлекет басшысы егіс жұмыстарының барысымен танысып, шаруалармен кездесулер өткізеді, сондай-ақ бірқатар әлеуметтік нысандарды аралайды», - деп хабарлады мемлекет басшысының баспасөз қызметі.
Тоқаевты әуежайдан облыс әкімі Айдарбек Сапаров күтіп алды.
Бұған дейін Ақорданың баспасөз қызметі Мемлекет басшысының осы аптадағы жоспарлары туралы хабарлаған болатын.
30 мамырда Мемлекет басшысы Астанада бірқатар мемлекеттердің елшілерінен сенім грамоталарын қабылдайды.
2 маусымда Қасым-Жомарт Тоқаев Орталық Азия-Еуропа Одағының екінші саммитіне қатысуды жоспарлап отыр. Ол Қырғызстанның Чолпон-Ата қаласында өтеді.
"Адырна" ұлттық порталы
