Бүгін 28 гвардиялық-панфиловшылар атындағы саябағында Алматы қаласы Жастар саясатын дамыту мемлекеттік қоры, Алматы қаласы Жастар саясаты басқармасының қолдауымен «JAS FEST-2023» қалалық жәрмеңкесін өткізді. Шара барысында жасөспірімдер мен жастарға арналған 100 қалалық демалыс орталығы таныстырылды.
Вокал, би, жекпе-жек, шахмат, дзюдо, тайквондо, қолөнер, актерлік шеберлік, ұлттық ойындар, сәндік-дизайнерлік өнер, скульптура, футбол, туризм, IT, тіл курстары және т.б. - әр жас отбасы өз баласы үшін қызығушылықтарына сай, жақын орналасқан орталықты таңдады.
Іс-шарада қонақтарды ойын-сауық концерттік бағдарлама, дамытушы шеберлік сағаттар мен спорттық жарыстар күтті.
Демалыс орталықтарының өз амбассадорлары бар, оның ішінде «Funky Town» би студиясының негізін қалаушы Марат Ягфаров; Қазақ дизайнері, Еуразиялық дизайнерлер одағының мүшесі, сәнгер Ануарбекова Раушан; Алматы қаласы полиция департаменті Есірткі қылмысына қарсы күрес басқармасының өкілі Дәурен Көбеев; көркем фильм актері, «Шестой пост», «Тобол» РФ., «Игрок», «Сержан братан» сияқты жобаларда басты рөлді сомдаған Серік Салқынбаев.
Жәрмеңкенің толықтай бағдарламасын Алматының дарынды жасөспірімдері мен ж
астары – қалалық демалыс орталықтарының тәрбиеленушілері дайындады. Іс-шараның барлық қатысушылары мен қонақтары іс-шараға риза болып, осындай жарқын және есте қаларлық жәрмеңке үшін ұйымдастырушыларға алғыстарын білдірді
"Адырна" ұлттық порталы
