Ел президенті Қасым-Жомарт Тоқаев Қазақ елін Амал мерекесімен құттықтады. Ел тізгінгері көктемнің жылы желемігіндей ескен ұлттық мейрамды құт пен бақ-берекенің бастауына балап, бауырмалдықтың көрінісі ретінде бағалады, деп хабарлайды "Адырна" ұлттық порталы.
Сонымен қатар, ел басшысы құттықтау сөзінде бұл мейрамды "ұлтымыздың бауырмалдық салтының жарқын көрінісі" деп санайтынын жеткізді.
"Көктемнің алғашқы лебін ала келетін бұл күнді жұртшылық ежелден асыға күткен. Елдік пен ынтымаққа шақыратын осы мейрам – ұлтымыздың бауырмалдық салтының жарқын көрінісі. Жыл берекелі болсын, ағайын!" – деп жазылған Президенттің Twitter парақшасында.
https://twitter.com/TokayevKZ/status/1635488676120543233?ref_src=twsrc%5Etfw%7Ctwcamp%5Etweetembed%7Ctwterm%5E1635488676120543233%7Ctwgr%5E7f366196e77d8ac2f763dfd8c8f65302f88ac237%7Ctwcon%5Es1_&ref_url=https%3A%2F%2Fadyrna.kz%2Fcontent%2Fwp-admin%2Fpost.php%3Fpost%3D150112action%3Dedit
Құрметті киіз туырлықты Алаш елі, "Адырна" ұжымы да сіздерді көктемнің құтты мерекесімен құттықтайды! "Жыл құтты болсын!", "Жасыңыз құтты болсын!".
"Адырна" ұлттық порталы
