Құрбысын сабаған талдықорғандық қыздың видеосын жариялаған қыз бен оның әкесі қазақстандықтардан кешірім сұрады, деп хабарлайды “Адырна” тілшісі.
Видеода қыз қазақстандықтардан ауызынан шыққан балағаттық сөз бен инстаграмға қыздардың төбелескен видеосын жариялағаны үшін кешірум сұрады.
Сондай-ақ, полицейлер бейнероликті әлеуметтік желіге салған кәмелетке толмаған жасөспірімнің Алматыда тұратынын және сонда оқитынын анықтады.
“Желідегі ақпарат назарға алынып, тиісті тәртіппен тексерілді. Кәмелетке толмаған қыздың Алматы қаласында тұратыны, сондағы оқу орындарының бірінде оқитыны анықталды. Қыз өзінің парақшасындағы видеоны полиция қызметінің әртүрлі ресурстарынан (гарнизондық ажырасу, полиция автопаркі, патрульдік экипаждың таныстарын жеткізуі және олардың сайттағы сауалнамасы және т.б.) жүктеп алған болып шықты, кейін оны монтаждау кезінде құрбысы екеуі түскен кадрды жалғаған. Ол оқушы қыздардың төбелесіне тікелей қатысқан жоқ, тек видеоны өз парақшасында жариялаған”, - деп хабарлады Жетісу облысы ПД баспасөз қызметі.
Сондай-ақ, әлеуметтік желідегі видеода балағат сөздерімен көзге түскен қыз ҚР ӘҚБтК-нің 434-бабы (ұсақ бұзақылық) бойынша жауапқа тартылатыны да айтылады.
“Оның ата-анасына ӘҚБтК-нің 127-бабына сәйкес жаза (кәмелетке толмаған баланы тәрбиелеу жөніндегі міндеттерді орындамау) тағайындалады”, - деді полициядан.
