Қазақстандық шахматшы Динара Сәдуақасова шахматтың рапид түрінен Әлем чемпионатының күміс жүлдегері атанды. Бұл туралы Prosports.kz хабарлады, деп жазады "Адырна" ұлттық порталы.
Алматыда шапшаң шахматтан әлем чемпионатында әйелдер арасында рапид түрінен соңғы айналымдар ойналды. Қазақстандық шахматшы Динара Сәдуақасова күміс медаль алды.
Бірінші орынды қытайлық Тан Чжунжи жеңіп алса, үнді шахматшысы Савита Шри қола жүлдеге ие болды.
Еске салайық, чемпионатқа қатысушылардың жалпы саны: халықаралық гроссмейстерлер (ерлер) – 149, халықаралық гроссмейстерлер (әйелдер) – 14, халықаралық шеберлер – 59.
"Адырна" ұлттық порталы
