Ұлан-Батырда мыңдаған адам шеруге шығып, Үкімет үйіне баса-көктеп кірді, деп хабарлайды «Адырна» тілшісі.
Моңғолиядағы АҚШ елшілігінің ресми хабарламасы бойынша, халық Сухэ-Батыр алаңына жиналған. Бүгін — акцияның үшінші күні.
Жаппай наразылыққа елден Қытайға тасымалданған көмір ұрлығына қатысты жанжал себеп болды. Шерушілер биліктен 12,9 миллиард доллардың көмірін ұрлағандардың аты-жөнін жариялауды және оларды жазалауды талап етіп отыр.
