Түркістандағы Саттар Ерубаев атты жазушының мұражайында беларусь аяқ киімдері сатылуда. Бұл туралы Түркістан қалалық мәслихатының депутаты Ардақ Мансұров Facebook парақшасына жариялады, деп хабарлайды “Адырна” ұлттық порталы.
“Жаман үйді қонағы билейді” деуші еді, біздікілер басқа жер құрып қалғандай беларусьтің бәтеңкесін музейге қойып жаңалық ашып жатыр. Мұражайдың қақ төрінде аяқ киім сатуды ойлап тапқан мықты маркетолог кім екен? Әдетте музей дегенге бас сұға бермейтін халықты мұражайға тартудың бір жолы десті ме?
Не де болса мұражайда аяқ киім сатылуда деген ақпар құлағыма түрпідей тиді…
Әлгі аяқ киім сатушы беларусьтер ата-бабасын сыйламайтын қандай халық демеді ме екен…”,- деп жазды ол.
