10 қазанда Ақсу өзенінен табылған мәйіттің жынысы әйел адам болып шықты, деп хабарлайды «Адырна» тілшісі.
Іздестіру-құтқару жұмыстары барысында табылған мәйіт Үндістан азаматы емес екендігі анықталды.
«Тексеру кезінде өзеннің оң жағалауынан табылған мәйіттің суда ұзақ жатуына байланысты оны тану мүмкін болмаған. Табылған мүрденің кім екенін анықтау үшін мәйіт полиция қызметкерлеріне тапсырылды»,—делінген хабарламада.
Еске сала кетейік, маусым айында дәл осы өзенде екі үндістандық студент суға батып кеткен болатын. Олардың мәйіттері әлі табылған жоқ.
