Ауылым – Ұлытаудың даласында,
Сау қайың, қызыл арша арасында.
Күй бар ма, өлең бар ма осы тауда
Естілмей жүрген қазақ баласына.
Қолыма ұстағаным – гармонь-сырнай,
Келемін құтты өлкені талмай жырлай.
Сағымдай жазғытұрғы жылт-жылт еткен
Дүние өте шығар бір күн тұрмай.
Айыртау – Ұлытаудың құрамасы,
Секілді қатар тіккен үй арасы.
Көлде – құс, өрде – киік, сайда – тоты,
Өзіңсің, туған жерім, жыр-анасы!
Тайжан ҚАЛМАҒАНБЕТҰЛЫ 1878
Баба тауым – Бақ тауым. Өлеңдер.
Құраст.: Т. Бүкіров, Қ. Құрмансейіт.
