Әр бала 18 жасқа толғанша есепшотында кемі 3 мың доллар жиналады – Руслан Желдібай

2036
Adyrna.kz Telegram

ҚР Президентінің баспасөз хатшысы Руслан Желдібай Президенттің бастамасымен Балалар жылының аясында «Ұлттық қор – балаларға» атты жаңа бағдарлама іске қосылатынын айтты, деп хабарлайды «Адырна» тілшісі.

«2024 жылдан бастап Ұлттық қордың жыл сайынғы инвестициялық табысының 50 пайызы балалар 18 жасқа толғанға дейін олардың арнаулы жинақтаушы есепшотына аударылады.

Жинақталған қаржы балалар кәмелет жасына толғаннан кейін олардың баспана немесе білім алуына жұмсалады.
Үкімет пен Ұлттық банктің есебі бойынша елімізде жыл сайын 400 мың сәби дүниеге келеді. Әр бала 18 жасқа толғанша олардың есепшотында кемі 3 мың АҚШ долларына тең қаражат жиналады»,—деді ол.

Пікірлер