Журналист Болат Мүрсәлім «Қазақстан» республикалық телерадиокорпорациясының Бас редакторы қызметіне тағайындалды. Бұл туралы «Қазақстан» РТРК» АҚ Басқарма төрайымының орынбасары Мақпал Жұмабай Instagram парақшасына жариялады, деп хабарлайды “Адырна” ұлттық порталы.
“Корпорациямыздың командасына Болат Мүрсәлім ағамыз қосылды. Қош келдіңіз, аға!”,- деді Мақпал Жұмабай.
Фото: Мақпал Жұмабай
«Болат Мүрсәлім қазақ телевизиясындағы тәжірибелі мамандардың бірі. Салада 20 жылдан бері еңбек етіп келеді. Осы уақыт аралығында өзіндік қолтаңбасы бар жас журналистер буынын тәрбиелеуге де атсалысты. БАҚ-тың түрлі саласындағы, жекеменшік телеарналардағы ұзақжылғы тәжірибесі Корпорация арналарының дамуына жаңа леп әкеледі деп сенім білдіремін», - деп атап өтті Басқарма төрайымы Ләззат Танысбай.
”Адырна” ұлттық порталы
