Студенттік жатақханаларда 80 мың орын жетіспейді. Бұл туралы «Қаржы орталығы» АҚ ілгерілету және сыртқы коммуникациялар департаментінің сарапшысы Диас Жамбылов айтты, деп хабарлайды "Адырна" ұлттық порталы.
«Бүгінде елімізде төсек-орын тапшылығы 80 мыңнан асса, оның жартысы Алматыда, онда 40 мың төсек-орын жетіспейді. Айта кету керек, төлемдер барлық 12 айда, соның ішінде каникул кезінде де жүргізілетін болады", – дейді Диас Жамбылов.
Айта кетейік, 2018 жылдан бастап Қазақстанда 30 630 орындық 124 жатақхана пайдалануға берілді. Оның ішінде Алматыда өткен жылы 3970 орындық 19 жатақхана пайдалануға берілді.
"Адырна" ұлттық порталы
