2022 жылғы 23 қыркүйекте Алматыда Димаш Құдайбергеннің концерті өтеді, деп жазады "Адырна" ұлттық порталы. Бұл туралы Димаш Құдайберген өзінің Instagram парақшасында хабарлады.
"Құрметті достар! 2022 жылғы 23 қыркүйекте Алматы қаласында "Stranger" атты концертім өтеді! Бұл менің оңтүстік астанада ұйымдастырылатын алғашқы жеке шығармашылық кешім. Шоу Қазақстандағы ең ірі спорт ғимараттарының бірі - Орталық стадионда өтеді. Құрметті тыңдармандарыммен туған елімде қайта кездесетініме қуаныштымын, Сіздерді асыға күтемін! Билеттерді сатудың басталғаны туралы қосымша хабарлаймыз. Ақпаратты жіберіп алмаңыз!", - деп жазды әнші.
"Адырна" ұлттық порталы
