Мемлекеттік аукциондарда шараптар сатылуда. Олардың бастапқы бағасы — 95,2 млн теңге, деп хабарлайды «Адырна» ұлттық порталы.
Бұл туралы protenge телеграмм каналы жазды.
Алматы қалалық мемлекеттік мүлік департаменті шараптар коллекциясын ұсынды, онда маркасы да, шығарылған жылдары да әр түрлі 73 бөтелке бар. Мысалы, 2,5 миллион теңге тұратын 1958 жылғы Château Haut-Brion, 2,3 миллион теңге тұратын 1989 жылғы Chateau Lafite Rothschild, 2,4 миллион теңге тұратын 1982 жылғы LaTâche шарабы бар.
Аукциондағы шараптар коллекциясы қайдан келген? Бұлар өздігінен тапсырылған мемлекеттік қызметшілерге берілген сыйлық, я болмаса, жемқор шенеуніктерден тәркіленген шараптар болуы мүмкін. Әзірге бұл туралы ақпарат жоқ.
«Адырна» ұлттық порталы.
