Израильге кеткен тележүргізуші Максим Галкин Instagram парақшасында ресейлік БАҚ-қа үндеу жасады, деп хабарлайды "Адырна" ұлттық порталы "orda.kz"-ке сілтеме жасап.
– БАҚ менің қазіргі концерттерімнің бөліктерін "Отанын былғады" деп көрсетуге тырысады. 28 жыл бойы мен Ресейді ластамадым. Осы 28 жыл ішінде мен саясаткерлерге пародия жасадым, орыс халқын тонап жатқан жалған, аянышты насихатшылар мен жемқор шенеуніктерді мазақ еттім. Мен сатирик ретінде құқығым бар. Орыс халқының кедейлік пен оқшауланған түрде емес, бейбітшілік пен байлықта өмір сүргенін қалаймын, – деді Максим Галкин.
Максим Галкин мен Алла Пугачева балаларымен бірге ақпан айының соңында Ресейден кетіп қалды. Бұған дейін әзілкеш Украинадағы соғысқа қарсы екенін ашық айтқан еді.
Израильге көшкеннен кейін Максим Галкин бірінші арнадағы жұмысынан және бірнеше миллион долларлық жарнамалық келісімшарттардан айырылды.
"Адырна" ұлттық порталы
