ҚР Еңбек және халықты әлеуметтік қорғау министрлігі «Еңбек ресурстарын дамыту орталығы» АҚ және Eurasian Resources Group компаниялар тобымен бірге «Жастарды жұмысқа орналастыру» бірлескен жобасын іске қосты, деп хабарлайды “Адырна” ұлттық порталы.
Жоба бойынша 35 жасқа дейінгі азаматтарға 10 мың жұмыс орны ұсынылады.
Мамырдан бастап Enbek.kz электрондық еңбек биржасында кез келген адам ERG компаниялар тобынан өзіне жұмыс таба алады.
«Enbek.kz» порталының басты бетінде баннер орналасқан. Оны басу арқылы жұмыс іздеушілер ERG тобындағы компаниялардың HR-қызметтері орналастырған бос жұмыс орындарының тізімімен таныса алады» делінген хабарламада.
Жоба аясында 346 бос жұмыс орны ашылды: техникалық не медициналық біліктілікті қажет ететін арнайы білімі жоқ адамдарға арналған бос жұмыс орындар да бар.
”Адырна” ұлттық порталы
