Ғалымдар отандық өнімдерді тұтынуға кеңес берді

468
Фото: massaget.kz
Фото: massaget.kz

Ғалымдар қазақстандық тұтынушыларға отандық ауыл шаруашылығы өнімдерін сатып алуға кеңес берді, деп хабарлайды "Адырна" ұлттық порталы.

Өнімдер органикалық па, ауылшаруашылық өнімдері ме, маңызды емес, бастысы отандық өнім болғаны жөн. Себебі отандық өнімдер мейлінше зиянсыз, оларға пестицидтер, нитраттар, т..б. қоспалар қосылмайды.

"Біздің фермерлер шөптерді, көкөністер мен жемістерді өсіру кезінде биопрепараттар мен биоагенттерді қолдануға тырысуда, сондықтан олардың өнімдері қауіпсіз. Біз өзіміз негізінен жергілікті көкөністерді, жидектер мен жемістерді сатып аламыз", - дейді зертхана қызметкерлері.

Ғалымдар денсаулығына алаңдайтындарға практикалық кеңестер берді.

"Егер сіз көкөніс дүңгіршектерінен күмәнді көкөністерді, жемістерді сатып алсаңыз, ас содасын немесе тұзды суға оны 40 минутқа салып қойыңыз. Олардың арақатынасы келесідей болуы керек: бір литр суға бір шай қасық тұз немесе сода. Содан кейін көкөністерді мұқият жуып, дұрыс тамақтаныңыз. Жалпы, жеміс өнімдерін дәлелденген жерлерден сатып алуға тырысыңыз!", — дейді ғалымдар.

Айта кету керек, жаз айлары — нағыз жеміс-жидек, көкөністің көбейетін кезеңі. Сондықтан өнім аларда сақтанып, іріктеп алыңыз, әсіресе, шетелдік өнімдерді сатып алғанда абайлаңыз!

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket