Қостанайда инспектор жалғызбасты әйелге үй тауып берді

522
Қостанайдағы учаскелік инспектор Оңайбек Оразақов үш баласын жалғыз өзі тәрбиелеп отырған әйелге уақытша баспана тауып беріп, құжаттарын рәсімдеуге көмектесті, деп хабарлайды "Адырна" ұлттық порталы "Zakon.kz"-ке сілтеме жасап.

Учаскелік полицей тұрғындардың шақыртуымен бір мекенжайға барады. Тұрғындардан «көршілеріміз шулайды» деген хабарлама түскен. Келген бойда Оңайбек Оразақов кәмелетке толмаған үш баласы бар әйелді көреді.

Әйел балаларды жалғыз тәрбиелеп жатқанын айтқан. Тұратын жер болмағандықтан жалғызбасты ана досына бірге тұруды өтінген.

"Балалы әйелді көргенде қалыс қала алмадым. Баланың үлкені небәрі төрт жаста, кішісі алты айлық. Бірінші кезекте баспана мәселесін шешуді ойладым. Жатақханадан бөлме жалдап, балалы әйелді орналастырдым, – дейді полиция қызметкері.

Сонымен қатар полицей әйелдің отбасына ең қажет азық-түлік өнімдерін алып берген. Полиция қызметкерінен бөлек жанашыр жандар да табылыпты.

"Әйел жәрдемақы алады. Бірақ белгілі себептермен осы айда ақша түспеді. Сондықтан БЖЗҚ-ға жүгініп, құжаттарын рәсімдеуге көмектестім, – дейді қостанайлық полицей Оңайбек Оразақов.

 

"Адырна" ұлттық порталы.

 

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket