Алматыдан Ташкентке пойыз жүре бастады

785
Фото: 24.kz
Фото: 24.kz

Алматы-Ташкент-Алматы бағытындағы пойыз қайта жүре бастады. 2020 жылы коронавирусқа қатысты тоқтап қалған жолаушылар пойызы енді араға екі жыл салып, «Алматы-2» теміржол вокзалынан Ташкенттің «Ташкент-Орталық» вокзалына дүйсенбі, сәрсенбі, сенбі күндері шықса, Ташкенттен Алматыға сейсенбі, бейсенбі, жексенбі күндері жүреді, деп хабарлайды «Адырна» ұлттық порталы.

Жалпы саны 24 вагоннан тұратын пойызда 425 жолаушыға орын бар. Билетті вокзал кассаларынан немесе онлайн сатып алуға болады. Электттронды билеттерді екі мемлекеттің шекарасынан өтерде қағаз күйінде көрсетуге міндетті.

Коронавирусқа қатысты ахуал әлі тұрақтанбағандықтан жолаушылар COVID-19 вирусына қатысты ПЦР тест тапсырады не вакцина алғаны туралы төлқұжатын береді. Вакцина түрлері екі ел де мойындаған болуы шарт.

«Узбекистон темир йуллари» АҚ қазір басқа да көршілес елдермен пойыздарды көбейту мақсатында келіссздер жүргізіп жатыр. Бұл мәселе 19-20 мамырда Ташкент қаласында өтетін Шанхай Ынтымақтастық ұйымына мүше елдердің Туризм министрлері форумында талқыға салынады.

«Адырна» ұлттық порталы

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket