Орал қаласының тұрғыны полицияға тұрмыстық техника мен автобөлшектердің жоғалғаны туралы арыз түсірді. Бұл туралы облыстық полиция департаменті мәлімдеді, деп хабарлайды «Адырна» тілшісі.
Оқиға Зашаған кентінде болған.
«Ер адам полицияға хабарласып, екі теледидар, тоңазытқыш және көліктің қосалқы бөлшектерінің ұрланғанын айтты. Техника 14-23 сәуір аралығында жоғалып кеткен»,– делінген хабарламада.
Тергеу барысында ұрлықты арыз берушінің әйелі жасағаны анықталды. Қазіргі таңда оған қатысты "Ұрлық" бабы бойынша қылмыстық іс қозғалды.
