Бейсенбіде қызметінен кеткен Жамбыл облысының әкімі Бердібек Сапарбаев сенбі күні Әулие ата жерінен Нұр-Сұлтанға аттанды, деп жазады "Адырна".
Ұшаққа мінер алдында жиналған жұртқа алғысын айтқан Бердібек Сапарбаев көзіне жас алды. Көпшіліктің де көңілі босап, жылы лебіздерін білдірісті.
Жамбыл облысын 2 жылдан астам уақыт басқарған Сапарбаевпен қоштасуға түрлі деңгейдегі мемлекеттік қызметкерлер, депутаттар, ардагерлер мен қоғам белсенділері жиналды.
Шығарып салушылар аймақтың бұрынғы әкіміне сәттілік тілеп, естелікке сыйлықтар тарту етті.
