ҚР Халық әртісі, әнші Роза Рымбаева Қазақстан халқын Наурыз мейрамымен құттықтап, Иманбек екеуі шығарған "Наурыз-думан" әнінің ремиксін жұрт назарына ұсынды, деп хабарлайды "Адырна" ұлттық порталы. Сүйінші хабарды әнші өзінің инстаграм парақшасында жариялады.
"Сіздер үшін жақсы жаңалығым бар. Кім не десе де, мен еліміздің эстрадасында болып жатқан өзгерістерге үлкен мақтанышпен қарап, әрқашанда жас әншілерді, музыканттарды қолдауға дайынмын. Біз Иманбек екеуміз бірігіп, "Наурыз-думан" әнінің ремиксін халықтың назарына ұсындық. Меніңше серіктестігіміз сәтті шықты. Сіздерге де ұнайды деген сенімдемін! Осындай тынышсыз заманда бір-бірімізг қамқор болайық, мейірімділік көрсетейік, ренжістерге жол бермейік. Береке көзі - бірлікте", - деп жазды Роза Рымбаева.
