Қаңтар айында Қазақстаннан шетелге 2,6 трлн теңге аударылды, бұл өткен жылдың сәйкес айымен салыстырғанда 900 млрд-қа аз. Бұл туралы Парламент Мәжілісіндегі «Ақ жол» фракциясы депутаттарының сауалына Қаржы мониторингі агенттігінен хабарлады, деп жазады "Адырна" ұлттық порталы.
"Ұлттық банкпен және Қаржы нарығын реттеу және дамыту агенттігімен бірлесе отырып, біз күдікті трансшекаралық аударымдарға күшейтілген мониторингті орнаттық. Биыл ел аумағынан заңсыз ақша аудару қаупі жоғары жалпы сомасы 150 млрд теңгеден асатын күдікті операциялар үш есе тоқтатылды. Материалдар құқық қорғау органдарына жіберілді. Қабылданған шаралардың арқасында шетелге қаражатты шығаруда қалыпты өсім байқалмайды», - делінген ведомство хабарламасында.
Қаңтар айында Қазақстаннан:
АҚШ – қа - 1,1 трлн теңге;
Ресейге – 814 млрд теңге;
Ұлыбританияға – 176 млрд теңге;
Қытайға – 80 млрд теңге;
Германияға - 79,7 млрд теңге;
Лихтенштейнге – 44,5 млрд теңге;
Швейцарияға – 43,8 млрд теңге;
Гонконгқа - 30 млрд теңге;
БАӘ – не - 29,4 млрд теңге аударылды.
"Адырна" ұлттық порталы
